al-qāriʿatu

  Àkókò ìjáyà.

mā l-qāriʿatu

  Kí ni Àkókò ìjáyà?

wamā adrāka mā l-qāriʿatu

  Kí sì l’ó mú ọ mọ ohun tó ń jẹ́ Àkókò ìjáyà?

yawma yakūnu l-nāsu kal-farāshi l-mabthūthi

  (Òhun ni) ọjọ́ tí ènìyàn yó dà bí àfòpiná tí wọ́n fọ́nká síta,

watakūnu l-jibālu kal-ʿih'ni l-manfūshi

  àwọn àpáta yó sì dà bí ẹ̀gbọ̀n òwú tí wọ́n gbọ̀n dànù.

fa-ammā man thaqulat mawāzīnuhu

  Nítorí náà, ní ti ẹni tí òṣùwọ̀n (iṣẹ́ rere) rẹ̀ bá tẹ̀wọ̀n,

fahuwa fī ʿīshatin rāḍiyatin

  ó sì máa wà nínú ìṣẹ̀mí tó máa yọ́nú sí.

wa-ammā man khaffat mawāzīnuhu

  Ní ti ẹni tí òṣùwọ̀n (iṣẹ́ rere) rẹ̀ bá sì fúyẹ́,

fa-ummuhu hāwiyatun

  Hāwiyah sì ni ibùgbé rẹ̀.

wamā adrāka mā hiyah

  Kí sì ni ó mú ọ mọ ohun tó ń jẹ́ bẹ́ẹ̀?

nārun ḥāmiyatun

  (Òhun ni) Iná gbígbóná tó ń jó gan-an.